“Tendera miliona eurosh dhëndrrit të Arben Ndokës”/ Pjerin Ndreu në hetim nga SPAK për shpërdorim detyre.
10 Korrik 2024
Kryebashkiaku socialist i Lezhës, Pjerin Ndreu, është paraqitur mëngjesin e kësaj të mërkure në ambientet e Prokurorisë së Posaçme Anti-Korrupsion.
Një orë pas hyrjes në SPAK, Pjerin Ndreu konfirmoi për mediat se arsyeja që e ka detyruar të japë shpjegime në SPAK ka të bëjë me hetimin e nisur ndaj tij për shpërdorim detyre, pas akuzave të Partisë Demokratike, e cila përmes Zëdhënëses së Departamentit Antikorrupsion, Genta Vangjeli akuzoi publikisht më 8 qershor të këtij viti se kryebashkiaku i Lezhës, Pjerin Ndreu, i besoi dhëndrit të ish-kolegut socialist në Kuvend, procesin e rindërtimit me kontrata të majme.
““Eurocompany” shpk ishte kontraktori, i cili zbatoi kontratën nr. 23676/23, datë 19 prill 2021 me objekt: “Riforcim i njësive të banimit, pallatet e dëmtuara nga tërmeti” dhe që përfitoi 1.7 milionë euro”, deklaroi Vangjeli.
Ajo tha se Arian Tuku i arrestuar pas zbardhjes së bisedave në SKY EÇ mes bosëve të krimit dhe njerëzve të tyre në pushtet dhe polici, është dhëndri i Arben Ndokës, ish-deputetit të PS-së, i cili po ashtu është në kërkim.
DENONCIMI I 8 QERSHORIT NGA PD
Arian Tuku i arrestuar pas zbardhjes së bisedave në SKY ECC mes bosëve të krimit dhe njerzve të tyre në pushtet dhe polici, është dhëndri i Arben Ndokës, ish-deputetit të PS-së, i cili po ashtu është në kërkim. Arian Turku është pronar i subjektit Eurocompany shpk krijuar në vitin 2018.
Pjerin Ndreu Kryetar i Bashkisë Lezhë i besoi dhëndrrit të kolegut socialist në Kuvend, procesin e rindërtimit me kontrata të majme. Eurocompany shpk ishte kontraktori i cili zbatoi kontratën nr. 23676/23, datë 19 Prill 2021 me objekt: “Riforcim i njësive të banimit, pallatet e dëmtuara nga tërmeti”.
Sipas të dhënave të Spending Data, një burim serioz për të evidentuar lidhjet e pushtetit me korrupsionin, që ka mbetur pa financime pikërisht për të të pamundësuar nxjerrjen e të dhënave që vërtetojnë këto lidhje, Eurocompany përfitoi 1.7 milion euro vetëm nga Qershor 2021 deri Dhjetor 2022.
Qarku i klikës kriminale në pushtet mbyllet sipas formulës: Zhvat Shqipërinë për të vjedhur zgjedhjet dhe vidh zgjedhjet për të zhvatur Shqipërinë! Kështu Pjerin Ndreu dhe Edi Rama sigurojnë mbajtjen e pushtetit dhe mandateve në vijim.
Pasi dekriminlizimi u largon Arben Ndokën, ai fut dhëndrrin në lojë nëpërmjet Pjerin Ndreut me lejen e Edi ramës në mënyrë që edhe pse kokat ndryshojnë, pushteti të vazhdojë.
Nga Edison Vatnikaj, OraNews.